Stor Løype

2 løyper, 25 element, 2 zipliner

Ved starten på kvar løype klatrar ein opp ein taustige for å komma til den første plattforma. Herfrå startar reisa frå tretopp til tretopp via ulike klatre- og balanse element. Ved dei mest utfordrande elementa finns det og snarvegar dersom ein finn dei litt for skumle.

Før ein startar turen gjennom løypene i klatreparken vert alle klatrarar utstyrt med korrekt utstyr, klatresele med to karabinkroker og ei Tyrolia-trinse. Ein får grundig opplæring i riktig bruk av sikkerheitsutstyr som vert nytta før ein begir seg inn i løypa. Prinsippet er enkelt; du sikrar med begge karabinkrokane, og flytter kun ein krok om gangen.

Lita og Mikro Løyper

4 løyper, 23 artige elementar, 4 zi-liner

Dei små løypene høver for mindre born eller for dei som tykkjar dei store løypene vert for tøffe. Det er inga aldersgrense for å nytta dei små løypene, men du må vera min. 100 cm.

I dei små løypene er du frå du startar til du kjem i mål, heile tida festa til ei sikkerheitsline. Det betyr at du ikkje treng å koble deg av og på, slik som du må gjera på dei store løypene.

Ziplinepark

1 løyper med 5 zipliner

Ziplinene går frå tre til tre gjennom skogen og over Strandaelva, den lengste ziplinen er 150 meter og føl elvestryka nedover! Ziplinene går i ei samanhengande løype og du er heile tida kopla til klatreselen utan at du kan løsne trinsa frå kabelen. Dette kallar me for kontinuerlig sikring, same systemet som dei minste klatreparkløypene.

Før ein startar får ein klatreseler og utstyr som høver til kontinuerlig sikring, og ein får opplæring og instruksjon. Starten skjer på terrassen på taket over resepsjonen, og vidare opp i plattforma høgt oppe i det største treet i parken vår. Herifrå suser du frå tre til tre til du landar nedst i parken.

Du kan kjøpe billett til berre ziplinene eller kombinere med klatreparkløyper.

Bursdagsfeiring

Bursdag kan feirast i parken kvar dag innanfor ordinær opningstid. Normalt sett er det travlast i parken frå rundt 12:00 til 14:00. Vi anbefala å ha bursdagsfeiring i parken enten tidleg på føremiddagen eller etter kl. 14:00. Ein kan rekna ca. 2-3 timar i løypene inkl. instruksjon.

Bord vert reservert i «vikinghytta» der de kan ha bursdagsselskap med eigne kaker etc. Det er og grillar tilgjengelege i parken som kan nyttast om ønskeleg. Vi stillar med grillkol og tennvæske og de treng kun ta med maten som skal på grillen.

Ta kontakt per telefon eller mail for reservasjon eller andre spørsmål.